സ്പ്രിംഗ് ഒനിയന്‍- തക്കാളി കറി

സ്പ്രിംഗ് ഒണിയന്‍ -ഒരു ചെറിയ കെട്ടു
തക്കാളി-രണ്ടു (ചെറുതായി അരിഞ്ഞത്)
ചിരവിയ തേങ്ങ-അര കപ്പ്‌
ജീരകം -ഒരു ടീസ്പൂണ്‍
സാംബാര്‍ പൊടി-മൂന്നു-നാല് ടീസ്പൂണ്‍
കടുക്-അര ടീസ്പൂണ്‍
കായം-ഒരു നുള്ള്
മഞ്ഞള്‍പൊടി-കാല്‍ ടീസ്പൂണ്‍
കറിവേപ്പില-ഒരു തണ്ട്
പുളിപിഴിഞ്ഞത് -ഒരു ടേബിള്‍സ്പൂണ്‍
ശര്‍ക്കര -രണ്ടു ടീസ്പൂണ്‍ പൊടിച്ചത്
എണ്ണ -ഒരു ടേബിള്‍സ്പൂണ്‍
ഉപ്പ് ആവശ്യത്തിനു

ചെയേണ്ട വിധം :-

സ്പ്രിംഗ് ഒണിയന്‍ ചെറുതായി അറിഞ്ഞു വക്കുക.തേങ്ങയും ജീരകവും,സാംബാര്‍ പൊടിയും കൂടി അരക്കുക .ഒരു പാനില്‍ എണ്ണ ചൂടാക്കി കടുകിട്ട് പൊട്ടിക്കുക .അതിലേക്ക് കായം ചേര്‍ക്കുക.കറിവേപ്പിലയും ചേര്‍ത്ത് വഴറ്റുക.അതിലേക്ക് സ്പ്രിംഗ് ഒണിയനും തക്കാളിയും ചേര്‍ത്തിളക്കുക.സ്പ്രിംഗ് ഒണിയന്‍ സോഫ്റ്റ്‌ ആവുന്ന വരെ വഴറ്റുക.അതിലേക്ക് അരച്ച പേസ്റ്റും,മഞ്ഞള്‍പൊടിയും ,പുളി പിഴിഞ്ഞതും,ശര്‍ക്കരയും ചേര്‍ക്കുക.ഒരു കപ്പ്‌ വെള്ളവും ഉപ്പും ചേര്‍ക്കുക.അഞ്ചു മിനിറ്റ് കഴിഞ്ഞു ഓഫ്‌ ചെയാം...ചപ്പാത്തി ചോറ് ഇതിനൊപ്പം ഒക്കെ കഴിക്കാന്‍ പറ്റുന്ന നല്ല ഒരു കറിആണിത്...

വെള്ളരിക്ക പച്ചടി

വെള്ളരിക്ക (ഇടത്തരം )- ചെറിയ കഷണങ്ങള്‍ ആക്കിയത്

പച്ചമുളക് – അഞ്ച്

തൈര് – രണ്ട് കപ്പ്‌

ഉപ്പ് – ആവശ്യത്തിന്

അരപ്പിന്

തേങ്ങ- അര മുറി

ജീരകം – ഒരു നുള്ള്

കടുക് – ഒരു നുള്ള് (അരയാന്‍ പാടില്ല ,ചതച്ച്‌ എടുക്കുക )

ചുമന്നുള്ളി – നാല് അല്ലി

(ആദ്യം തേങ്ങ, ജീരകം, ചുമന്നുള്ളി, ഇവ വെണ്ണ പോലെ അരച്ചെടുത്തത്തിനുശേഷം കടുക്‌ ചതച്ചത് ചേര്‍ക്കുക )

താളിക്കാന്‍

വറ്റല്‍ മുളക് – രണ്ട്

ചുമന്നുള്ളി (വട്ടത്തില്‍ അരിഞ്ഞത്)- രണ്ട് അല്ലി

കടുക് – ഒരു ടി സ്പൂണ്‍

കറിവേപ്പില – ഒരു തണ്ട്

വെളിച്ചെണ്ണ – രണ്ട് ടി സ്പൂണ്‍

പാകം ചെയ്യുന്ന വിധം

വെള്ളരിക്ക ,പച്ചമുളക് ചേര്‍ത്ത് വേവിക്കുക.മുക്കാല്‍ വേവാകുമ്പോള്‍ അരപ്പ് ചേര്‍ക്കുക .തിളക്കുമ്പോള്‍ തീ അണച്ച ശേഷം ,തണുക്കാന്‍ അനുവദിക്കുക. അതിനുശേഷം തൈര് ചേര്‍ത്ത് ഇളക്കുക.തൈര് ചേര്‍ത്ത കറിയിലേക്ക് വെളിച്ചെണ്ണയില്‍ വറുത്തെടുത്ത കടുകും വറ്റല്‍മുളകും ഉള്ളിയും കറിവേപ്പിലയും ഒഴിക്കുക .പച്ചടി തയ്യാര്‍ .

Li

വെണ്ടയ്ക്ക വിന്ധാലൂ

വെണ്ടയ്ക്ക -കാല്‍ കിലോ
കടുക് -ഒരു ടീസ്പൂണ്‍
ഇഞ്ചി-ഒരു ചെറിയ കഷ്ണം
വെളുത്തുള്ളി -അഞ്ചു അല്ലി
സവാള-ഒന്ന്‍
തക്കാളി-ഒന്ന്‍പച്ചമുളക്-ഒന്ന്‍
മുളകുപൊടി -ഒന്നര ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
ഉപ്പ്-ആവശ്യത്തിനു
വിനെഗര്‍ -രണ്ടു ടീസ്പൂണ്‍

ചെയേണ്ട വിധം :-

ആദ്യം ഇഞ്ചിയും വെളുത്തുള്ളിയും പച്ചമുളകും കടുകും കൂടി അരച്ചെടുക്കുക .തക്കാളിയും അരച്ച് വക്കുക.ചൂടായ പാനില്‍ എണ്ണയൊഴിച് ചൂടാകുമ്പോള്‍ സവാളയും കുറച്ചു വെളുത്തുള്ളി അറിഞ്ഞതും ചേര്‍ത് വഴറ്റി അതിലേക്ക് അരച്ച പേസ്റ്റ് ചേര്‍ക്കുക .അതിലേക്ക് തക്കാളി അരച്ച് വച്ചതും ചേര്‍ത് വഴറ്റുക ഇതിലേക്ക് മുളകുപൊടിയും,മഞ്ഞള്‍പ്പൊടിയും ഉപ്പും ചേര്‍ത്തിളക്കുക.അതിലേക്ക് കറിവേപ്പില ചേര്‍ത് ഇളക്കുക.അതിലേക്ക് വെണ്ടയ്ക്ക ചേര്‍ത് ഒരല്പം വെള്ളം ഒഴിച് വേവിക്കുക.വെന്ധു ചാറു കുറുകി വെണ്ടക്കയില്‍ പൊതിഞ്ഞു വരുമ്പോള്‍ വാങ്ങുക..രുചിയേറിയ വെണ്ടയ്ക്ക വിന്ധാലൂ റെഡി .

വാട്ടു കപ്പ കുഴച്ചതും (ഉണക്ക കപ്പ) ഉണക്ക മീനും വാഴക്കയും കറിയും

തുണ്ടൻ മീൻ (ഏതെങ്കിലും - ഇത് ശ്രാവ്) - 10-15 തുണ്ട്
ഏത്തക്ക - 1 (മീഡിയം) ചെണ്ട മുറിച്ചു നാലായി കീറിയത്
പച്ച മുളക് - 6 (എരിവു വേണ്ടതനുസരിച്ചു)
സവാള - 1 ചെറിയതിന്റെ പകുതി അരിഞ്ഞെടുത്ത്
കറി വേപ്പില - പകുതി തണ്ട് (4-5 ഇല)
കുടം പുളി - രണ്ടു ചുള
ഇത്രയും സാധനങ്ങൾ ഒരു കറി ചട്ടിയിൽ അല്പം വെള്ളവുമായി അടുപ്പത് വെക്കുക (മീൻ 4 മണിക്കൂർ എങ്കിലും വെള്ളത്തിൽ ഇട്ടു വെച്ചിരുന്നു ഉപ്പു കളഞ്ഞു എടുക്കണം- അരി കഴുകിയ കാടിയിൽ ഒരു തുണ്ട് ന്യൂസ്‌ പേപ്പർ ഇട്ടു അതിൽ മീൻ ഇട്ടു വെച്ച് നോക്കൂ )
ഇത് വെകുംബോഴേക്കും നമ്മുക്ക് അരപ്പ് അരച്ചെടുക്കാം
കൊച്ചുള്ളി - 4
മല്ലിപൊടി - 1 ടേബിൾ സ്പൂണ്‍
മുളക് പൊടി - 1 ടി സ്പൂണ്‍
മഞ്ഞൾ പൊടി - 1/4 ടി സ്പൂണ്‍
തേങ്ങ തിരുമ്മിയത്‌ - 1/2 മുറി
ഇത് നന്നായി അരച്ചെടുക്കുക.
ഇപ്പോൾ മീനും കായും വെന്തു പാകമായി കാണും. ഇതിലേക്ക് അരപ്പ് ചേര്ക്കുക. പുളിയും ഉപ്പുമൊക്കെ പാകമാണോ എന്ന് നോക്കി അരപ്പ് തിള വന്നാൽ (വെട്ടി തിളച്ചു തേങ്ങ പിരിഞ്ഞു പോകരുത്) കടുക് താളിക്കം.
താളിക്കാൻ
വെളിച്ചെണ്ണ - 2 സ്പൂണ്‍
ഉലുവ - 1/2 ടി സ്പൂണ്‍
കടുക് - 1/2 ടി സ്പൂണ്‍
കൊച്ചുള്ളി - 2 അരിഞ്ഞത്
വറ്റൽ മുളക് - 2 ഓരോന്നും രണ്ടായി മുറിക്കുക
കറിവേപ്പില - 1 തണ്ട്.
എണ്ണ ചൂടായാൽ യഥാക്രമം ഓരോന്നും ഇട്ടു മൂപ്പിച്ചു കറി താളിചെടുക്കുക.
Enjoy!!

വറത്തരച്ച സാമ്പാര്‍

• സാമ്പാർ കഷ്ണങ്ങൾ :- അരക്കിലോ. ഞാൻ സവാള, ഉരുളക്കിഴങ്ങ്, മുരിങ്ങക്കായ, മൂന്നുനാലു വെണ്ടയ്ക്ക, രണ്ട് തക്കാളി ഇത്രയുമാണ് എടുത്തത്. നിങ്ങൾ ഇഷ്ടമുള്ള പച്ചക്കറികൾ എടുത്തോളൂ.
• തുവരപ്പരിപ്പ് :- 200 ഗ്രാം.

• പുളി :- ചെറുനാരങ്ങാ വലുപ്പത്തിൽ.

• ആവശ്യത്തിന് മഞ്ഞൾപ്പൊടി, ഉപ്പ്.

• കായം പൊടി: 1 ടീസ്പൂൺ.

• വറുത്തിടാനുള്ള വെളിച്ചെണ്ണ, കടുക്, മുളക്, കറിവേപ്പില.

വറുത്തരയ്ക്കാൻ:
• മല്ലി :- 5 ടീസ്പൂൺ

• മുളക് :- 8-10 എണ്ണം . എരിവിനനുസരിച്ച് കൂട്ടുകയോ കുറയ്ക്കുകയോ ചെയ്യുക. കൂടുതലാവാതെ ശ്രദ്ധിക്കണം.


• ഉലുവ :- കാൽ ടീസ്പൂൺ.

• കടലപ്പരിപ്പ് :- 2 ടീസ്പൂൺ.

• തേങ്ങ:- 2 ടീസ്പൂൺ.

• കറിവേപ്പില:- ഒരു തണ്ട്.


ഉണ്ടാക്കുന്ന വിധം :

പരിപ്പ് കുക്കറിൽ വേവിച്ച് നന്നായി ഉടച്ചു വയ്ക്കുക.

വറുത്തരയ്ക്കാനുള്ള ചേരുവകൾ എല്ലാം കൂടി ഒരു ചീനച്ചട്ടിയിട്ട് വറുക്കുക. എണ്ണയൊന്നും ഒഴിയ്ക്കേണ്ട. തീ കുറച്ചുവയ്ക്കുന്നതാണ് നല്ലത്. തുടർച്ചയായി ഇളക്കാൻ ശ്രദ്ധിക്കണം. മൂത്ത മണം വരുമ്പോൾ ഉടനെ വാങ്ങി മറ്റൊരു പാത്രത്തിലേക്കിടുക. ചീനച്ചട്ടിയുടെ ചൂടിൽത്തന്നെ ഇരുന്നാൽ മൂപ്പധികമാവുകയോ കരിയുകയോ ചെയ്യും. ഒരുപാട് മൂത്ത് കറുത്തുപോയാൽ സാമ്പാർ ഇരുണ്ടനിറമാവും, സ്വാദും കുറയും. ശരിയായ പാകത്തിൽ വറുത്തെടുക്കാൻ പ്രത്യേകം ശ്രദ്ധിക്കണം.
വറുത്ത ചേരുവകൾ ആറിയശേഷം ഒരു സ്പൂൺ കായവും ചേർത്ത് വെണ്ണപോലെ അരച്ചെടുക്കുക.
നുറുക്കിയ പച്ചക്കറികൾ കുറച്ച് വെള്ളവും പുളി പിഴിഞ്ഞതും മഞ്ഞൾപ്പൊടിയും ഉപ്പും ചേർത്ത് വേവിയ്ക്കുക. പെട്ടെന്ന് വേവുന്ന തക്കാളി, വെണ്ടയ്ക്ക മുതലായവ അവസാനമേ ഇടാവൂ. വെന്തശേഷം പരിപ്പ് ചേർത്ത് ഒന്നു തിളപ്പിക്കുക. പിന്നെ അരപ്പും പാകത്തിന് വെള്ളവും ചേർത്ത് നന്നായി തിളപ്പിക്കുക. ഈ ഘട്ടത്തിൽ അഞ്ചാറു കറിവേപ്പില ഇടുന്നത് നല്ലതാണ്. വാങ്ങിവച്ച് വെളിച്ചെണ്ണയിൽ കടുകും മുളകും കറിവേപ്പിലയും വറുത്തിടുക. മീതെ കുറച്ചു മല്ലിയില(ഇഷ്ടമാണെങ്കിൽ) അരിഞ്ഞതും ഇടാം.

വന്‍പയര്‍ മെഴുക്കുപുരട്ടി

വന്പ്യര്‍ -1 cup
സവാള – 1 വലുത് ചെറുതായി നുറുക്കിയത് / ചുവന്നുള്ളി –10ചതച്ചത്
വെളുത്തുള്ളി – 4 -5 അല്ലി ചതച്ചത്
മഞ്ഞള്പൊടി – 1/2 tsp
കാശ്മീരി മുളകുപൊടി – 1 tbsp /ഉണക്കമുളക് ചതച്ചത്- 1 tbsp
കുരുമുളക്പൊടി- ½ tsp
താളിക്കാന്‍
വെളിച്ചെണ്ണ
കടുക്
കറിവേപ്പില
ഉണക്കമുളക്

വന്പകയര്‍ കഴുകി ഉടഞ്ഞു പോകാതെ വേവിച്ചു വെയ്ക്കുക.
ചട്ടി അടുപ്പില്‍ വെച്ച് എണ്ണ ഒഴിച്ച് താളിക്കാന്‍ ഉള്ള ചേരുവകള്‍ താളിച്ച് അതിലേക്കു അരിഞ്ഞ ഉള്ളിയും വെളുത്തുള്ളിയും ഇട്ടു മൂപ്പികുക നിറം മാറി തുടങ്ങുമ്പോ പൊടികള്‍ ഇട്ടു ഉപ്പും ചേര്ത്ത് ചെറിയ തീയില്‍ മൂപ്പിക്കുക ശേഷം വേവിച്ച പയര്‍ അല്പം വെള്ളത്തോട് കൂടി ഇട്ടു ആവിശ്യനുസരം തോര്ത്തി എടുത്താല്‍ എത്ര പ്ലേറ്റ് കഞ്ഞി അകത്തു പോകും എന്ന് പറയാന്‍ പറ്റൂല്ല

മുരിങ്ങക്ക ചെമ്മീൻ ഇട്ടു വെച്ചത്

1. ഇടത്തരം നീളമുള്ള അധികം മൂക്കാത്ത മുരിങ്ങക്ക - 4-5 എണ്ണം (ഈ വിദ്വാനെ മുരിങ്ങാക്കോൽ എന്നും വിളിക്കൂട്ടോ)
2. ചെമ്മീൻ ( ചെറുത്‌ അല്ലെങ്കിൽ ഇടത്തരം) - ഉപ്പും മഞ്ഞളും ചേർത്ത് വേവിച്ചത് - 2 സ്പൂണ്‍
3. ഉള്ളി, വെളുത്തുള്ളി, പച്ചമുളക് അരിഞ്ഞത് , കറിവേപ്പില
4. മുളകുപൊടി - 1 tbsp, മഞ്ഞൾപൊടി - 1/4 tsp
5. ഉപ്പു, എണ്ണ - പാകത്തിന്

പാചകം ചെയ്യുന്ന രീതി-

1. മുരിങ്ങക്ക തൊലി കളഞ്ഞു ഇടത്തരം കഷ്ണങ്ങളാക്കി മുറിക്കുക. എല്ലാ കഷ്ണങ്ങളും ഒരു പോലെ ആകാൻ പ്രത്യേകം ശ്രദ്ധിച്ചോളണം .. ഇല്ലേൽ അവരെന്തു വിചാരിക്കും
2. ചട്ടിയിൽ എണ്ണ ചൂടാക്കി കറിവേപ്പില, ഉള്ളി വെളുത്തുള്ളി പച്ചമുളക് അരിഞ്ഞത് വഴറ്റുക
3. ഇതിലേക്ക് മുളകുപൊടിയും മഞ്ഞൾപൊടിയും ചേർത്തു മൂപ്പിച്ചിട്ട് ചെമ്മീൻ ചേർത്തിളക്കുക.
4. അരിഞ്ഞുവെച്ചിരിക്കുന്ന മുരിങ്ങകഷ്ണങ്ങൾ ചേർത്ത് ആവശ്യത്തിനു ഉപ്പും വെള്ളവും ചേർത്ത് വേവിക്കുക.

അടുപ്പിൽ നിന്നും വാങ്ങുന്നതിന് മുൻപ് കുറച്ചു വെളിച്ചെണ്ണ തൂവി കറിവേപ്പിലയും ഇടുക.
ചാറു കഷ്ണങ്ങളിൽ പെരണ്ടിരിക്കുന്നത് ആണ് പാകം.
~~ വേറൊരു രീതിയിലും വെയ്ക്കാറുണ്ട്‌::
മുരിങ്ങക്ക ഉപ്പും മഞ്ഞളും കുറച്ചു വെള്ളവും ചേർത്ത് വേവിച്ചെടുക്കും. എന്നിട്ട് ഉള്ളി, വെളുത്തുള്ളി, മുളകുപൊടി ഇവ മൂപ്പിച്ചു ചെമ്മീനും മുരിങ്ങക്കായും ചേർത്ത് ഇളക്കി താളിച്ചെടുക്കും.
** ചേന, പച്ചക്കായ, പീച്ചിങ്ങ, അച്ചിങ്ങ ഇവയെല്ലാം ഇങ്ങനെ ചെമ്മീൻ ഇട്ടു വെയ്ക്കാറുണ്ട്‌ കൊച്ചി ഭാഗത്ത്‌.